Unsere Spielgruppenlieder

Für unsere Spielgruppe haben wir zwei kleine Lieder komponiert.

Das Lied mit dem Namen "Hallo Chind" wird uns an jedem Spielgruppenmorgen in die Spielgruppe begleiten.

Das andere Lied "s11i Glöggli" singen wir jeweils als Abschluss mit den Kindern.

Hallo Chinde

Willkommenslied Drinnen-Draussen Spielgruppe

Hallo Chinde, schön sind ihr alli da. Drum fanged mir am beschte ah.

Mir begrüessed alli Chinde.. und tüend zäme s'Liedli singe..

Nachher dörfed ihr alli spiile, vilicht tüemer dänn au no springe.

Echli baschtle, male oder sii, ois fallt sicher nomal öpis ii..

Achtung, achtung jetzt gahts dän los.. dFroid a dem Tag isch riisegross.

Chum mir klatsched, jetzt gahts los, Klatsch Klatsch Klatsch und ez gahts los.

11i Glöggli

Mir sind fescht am spile gsii..

(Melodie von Grüess gott Bäseli trallalalalal")

Mir sind fescht am spiile gsii..

Ziit, die gaht vill zschnäll verbii..

Mir würed gern no länger bliibe und mit oi chli Ziit vertriibe.

D'Wuche gaht au schnäll verbii, dän chömer wider zämesii.. chli Ziit mit allne Chind verbringe und au echli umespringe.

s'11i Glöggli lüütet scho, scho glii wird au scho sMami cho. Drum ruumed mir jetzt alli uuf, dän hämmer nüm so äs groosses Puff.

Abschiedslied

(Melodie von Bruder Jakob)

Alli Chinde, alli Chinde,

gönd ez Hei, gönd ez Hei.

Winked mit de Händli, winked mit de Händli,

Tschau, Tschau, Tschau